Соработници

Адвокат Костадинка Крстевска од Скопје правното образование го стекнува во Република Македонија почнувајќи во 2006-та година со уписот на Правниот факултет „Јустинијан Први“- Скопје при Универзитетот „Св. Кирил и Методиј“- Скопје. По дипломирањето на правни студии во јуни 2009 година, своето образование го продолжува на мастер студии од областа на граѓанско материјално и граѓанско процесно право, исто така на Правниот факултет „Јустинијан Први“ кои ги завршува со просечен успех од 9,33 и во 2012 година се стекнува со титулата Магистер по правни студии - Master of Laws LL.M. Адвокат Костадинка Крстевска практичното искуство во областа на правото го започнува во 2012 година со вработувањето како адвокатски приправник во адвокатска канцеларија, додека во 2013 година се стекнува со уверение за положен правосуден испит пред Министерство за правда на РМ. Работата како адвокат со овластување да застапува пред сите судови во Република Македонија од сите области на правото, ја продолжува почнувајќи од 01.07.2014 година кога и се стекнува со лиценца за работа како Адвокат издадена од Адвокатската Комора на РМ. Во јуни 2016 година Адвокат Костадинка Крстевска ја продолжува адвокатската дејност самостојно со основање на адвокатска канцеларија Крстевска. Во текот на перидот на извршување на адвокатската дејност, Адвокат Костадинка Крстевска се стекнува со повеќе признанија за учество на обуки од повеќе области на деловното и граѓанското право (стварно право, отштетно право, административно право). Со измените на Законот за едношалтерскиот систем и за водење на трговскиот регистар и регистар на други правни лица на РМ, Адвокат Костадинка Крстевска по завршената соодветна обука, се стекнува со овластување за работа и како „Регистрационен агент“, односно станува овластен подносител на електронска пријава на упис на основање, промени и бришења на сите форми на трговски друштва и други правни лица.